Breaking News

منقبت در شان حضور مفتئ اعظم ہند علیہ الرحمہ ،،از قلم ،سید خادم رسول عینی قدوسی بھدرک اڈیشا

ہے آپ کی زباں پہ ثنا مصطفی’رضا
ہر دم ہے نعت شاہ ہدی’ مصطفی’رضا

بچپن میں ہی خلافت نوری ملی تمھیں
کیا خوب ہے یہ نوری ادا مصطفی’رضا

تعویذ آپ کے قلم ناز کا ہے خوب
ہے خلق کے لیے یہ شفا ، مصطفی’رضا

عالم کے وہ تھے مفتیء اعظم بھی وقت کے
سب مفتیوں کے راہ نما مصطفی’رضا

ملت میں اتحاد کے داعی رہے سدا
سب اس لیے ہیں تم پہ فدا ، مصطفی’ رضا

روشن ہیں ان سے عارف باللہ سینکڑوں
تقوی’ کے چرخ کی ہیں ضیا مصطفی’رضا

بند آنکھوں سے مرید نے دیکھا تھا غوث کو
جب تم نے اس کو حکم دیا، مصطفی’رضا

سنگم تھے علم ظاہر و باطن کے باکمال
آءینہء جمال رضا مصطفی’رضا

حامد رضا نے دیکے خلافت حبیب کو
مہکایا خوب باغ رضا ، مصطفی’ رضا

سامان بخشش آپ کی ، راحت کا ہے سبب
عینی کے واسطے ہے ردا ، مصطفی’رضا
۔۔۔۔۔۔۔

از: سید خادم رسول عینی

About محمد شاہد رضا برکاتی

Check Also

سید خادم رسول عینی اور نور مناقب۔۔۔۔۔۔۔از قلم : احسن امام احسن، بھوبنیشور اڈیشا

خادم رسول عینی کو ادبی گروپوں میں پڑھتا رہا ہوں ۔ پھر اس کے بعد …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے